Moritz von Schwind

Moritz von Schwind (Viena, 1804ko urtarrilaren 21a - Pöcking, 1871ko otsailaren 8a) austriar margolaria izan zen.

Gaztaro zoriontsu eta arduragabea izan zuen Vienan. Franz Schuberten laguna izan zen eta bere abesti batzuk ilustratu zituen. 1828an Munichera joan zen eta Julius Schnorr von Carolsfeld margolariaren lagun egin zen eta Peter von Cornelius Akademiako zuzendariaren gida jaso zuen.

1834an, Luis I.a Bavariakoa erregeak bere jauregia horma-pinturekin apaintzeko eskatu zion, Ludwig Tieck olerkariaren lanak ilustratuz. Almanaketan eta Goethe eta beste idazle batzuen lanak ilustratzen ere lan egin zuen. 1844 eta 1847 artean Frankfurten egon ondoren, Munichera itzuli eta Akademiako irakasle izendatu zuten.

Gaztelu, eliza eta beirateetan lan egin zuen. Zalduntza, folklorea eta abesti herrikoiak izan zituen inspirazio-iturri. Wikipediatik informazioa lortu